Vigfús Arnar Jósepsson.
Vigfús Arnar Jósepsson er ekki lengur þjálfari Leiknis í Breiðholti en þetta staðfestir félagið á heimasíðu sinni.
Tíðindin koma í sjálfu sér ekki mikið á óvart þar sem Leiknir er á botni Lengjudeildarinnar með aðeins þrjú stig eftir sex leiki. Liðið tapaði 5-0 gegn Keflavík í gær.
Tíðindin koma í sjálfu sér ekki mikið á óvart þar sem Leiknir er á botni Lengjudeildarinnar með aðeins þrjú stig eftir sex leiki. Liðið tapaði 5-0 gegn Keflavík í gær.
Næsti leikur Leiknis er gegn Grindavík 15. júní og er óvíst hver stýrir liðinu í þeim leik.
Tilkynning Leiknis
Vigfús Arnar Jósepsson þjálfari meistaraflokks Leiknis hefur óskað eftir að láta af störfum og hefur stjórn félagsins samþykkt það.
Vigfús hefur stjórnað meistaraflokki félagsins síðan í nóvember 2022. Hann var einnig þjálfari meistaraflokks 2018 um skeið en áður gerði Vigfús garðinn frægan sem leikmaður félagsins og er hann einn af leikjahæstu leikmönnum félagsins í sögunni.
Vigfúsi eru þökkuð góð og metnaðarfull störf fyrir Leikni en allt hans starf hefur borið þess vitni að hann er mikill og sannur Leiknismaður. Leiknir óskar Vigfúsi velfarnaðar í framtíðinni.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Njarðvík | 8 | 6 | 1 | 1 | 19 - 8 | +11 | 19 |
| 2. Fjölnir | 8 | 5 | 2 | 1 | 15 - 10 | +5 | 17 |
| 3. ÍBV | 8 | 3 | 4 | 1 | 16 - 10 | +6 | 13 |
| 4. Afturelding | 8 | 3 | 2 | 3 | 11 - 16 | -5 | 11 |
| 5. Keflavík | 8 | 2 | 4 | 2 | 13 - 7 | +6 | 10 |
| 6. Grindavík | 7 | 2 | 4 | 1 | 14 - 12 | +2 | 10 |
| 7. Grótta | 8 | 2 | 4 | 2 | 13 - 15 | -2 | 10 |
| 8. ÍR | 8 | 2 | 3 | 3 | 9 - 15 | -6 | 9 |
| 9. Dalvík/Reynir | 8 | 1 | 4 | 3 | 10 - 14 | -4 | 7 |
| 10. Þróttur R. | 8 | 1 | 3 | 4 | 12 - 13 | -1 | 6 |
| 11. Þór | 7 | 1 | 3 | 3 | 9 - 13 | -4 | 6 |
| 12. Leiknir R. | 8 | 2 | 0 | 6 | 9 - 17 | -8 | 6 |
Athugasemdir
