Kristján Guðmundsson, fótboltaþjálfari og sparkspekingur, fór yfir leikinn gegn Hollandi og skoðaði leikinn framundan gegn Kasakstan í útvarpsþættinum Fótbolti.net á X-inu í gær.
Hægt er að hlusta á spjallið við Kristján í spilaranum hér að ofan.
Hægt er að hlusta á spjallið við Kristján í spilaranum hér að ofan.
„Þetta er risastórt afrek fyrir íslenska liðið og Heimi og Lars," segir Kristján um þá staðreynd að Ísland vann Holland tvívegis í riðlinum. „Færið sem Jón Daði fékk sýndi að við vorum með plan og það var alveg að ganga."
„Hannes Þór var gríðarlega góður í markinu. Staðsetningarnar hans voru það góðar að að markvörslurnar virtust einfaldar. Aron hefur fengið hrós og búið að útnefna hann mann leiksins, Kolbeinn var mjög frammi með Jón Daða hlaupandi kringum sig. Grimmdin virkaði fullkomlega og allir voru með."
„Íslenska landsliðið er betra en Kasakstan en málið er bara hvernig unnum við úr þessum sigri gegn Hollandi? Það er eins og menn hafi ekki sleppt sér eftir þann leik og það er lykilatriði. Ég skynja að það sé í lagi. Ef við erum tilbúnir í þetta þá vinnum við."
„Það hjálpar okkur í þessu að Kasakarnir eru að spila tvo útileiki á meðan við förum heim eftir glæsilegan sigur. Það vinnur með okkur, engin spurning," segir Kristján.
Sjá einnig:
Smelltu hér til að hlusta á þáttinn í heild
Athugasemdir
