Fótbolti.net

HM Álitið: Hver verður efnilegastur?

Þekkir að spila yfir sumarið í Bandaríkjunum - „Held það sé enginn líkami sem geti vanist því"

„Ekki jafn frjálst og á Íslandi, sérstaklega ef maður var í KR“

HM Álitið: Hver verður bestur?

Kennie bestur í maí - „Lengsta frí sem Rúnar hefur gefið mér“

Hákon Arnar: Vona að Messi spili

Gylfi um skilaréttsmálið: Meira en ánægður að hafa skipt

Aron Einar: Get staðfest að ég verð ekki áfram í Al-Gharafa

Sædís Rún: Á okkar degi getum við náð stigum af öllum liðum

Gagnrýnir nýju reglurnar harðlega - „Alveg skelfilegt ef ég á að vera hreinskilin“

Katla Tryggva fyrir Spánarleikinn: Það er alveg hægt að stríða þeim

Hödda langaði að fagna eins og Auðun gegn Haukum - „Allir á bekknum brjálaðir að hann hefði skotið"

Breki Þór: Gott í bankann

Elfar Árni: Það þýðir ekkert að fara að vorkenna sér

Badu: Við sýndum í dag að við erum með góðan hóp

Gunnar Már: Við munum ekki geta hvílt leikmenn

Viðar Örn: Ég hlakka mikið til að spila með honum í næstu leikjum

Óli Flóvents: Þetta mál er að baki

Venni: Þurfum að höndla það betur en síðast

Heimir Guðjóns: Þurfum að finna lausnir

sun 06. október 2024 20:56

Sölvi Haraldsson

Ómar: Því miður stjórnum við ekki örlögum okkar sjálfir

Ómar Ingi, þjálfari HK.

Mynd: Fótbolti.net - Hafliði Breiðfjörð

„Ég er hundfúll að hafa ekki unnið sem hljómar kannski eins og frekja þegar við jöfnum með síðustu spyrnu leiksins. Mér fannst við spila fyrri hálfleikinn þannig að það var algjör óþarfi að vera komnir 2-1 undir á 60. mínútu.“ sagði Ómar Ingi Guðmundsson, þjálfari HK, eftir 2-2 jafntefli gegn Fylki í Kórnum í dag.

Lestu um leikinn: HK 2 - 2 Fylkir

Ómar Ingi segir að það séu vonbrigði að HK hafi ekki unnið í dag.

„Það var svekkjandi og staða sem við komum okkur í sjálfir. Við vorum of passífir, vorum of langt frá því sem við gerðum í fyrri hálfleiknum og vorum 2-1 undir. Mér fannst eftir það við herja vel á þá. Við fáum fullt af tækifærum til að skora og fengum fullt af tækifærum til þess áður en við skorum. Við ætluðum okkur sigurinn og það eru vonbrigði að hafa ekki náð því í dag.“

Er þetta saga sumarsins þessi leikur í dag?

„Það er alveg óhætt að segja það. Við náum ekki nógu heilsteyptri frammistöðu, sérstaklega í varnarleiknum okkar, þegar við gerum hluti sem við gerum vel þá gleymast aðrir hlutir. Við gefum of mörg dauðafæri á okkur.“

Hvað tekur Ómar út úr þessu í dag?

„Ég tek það út úr þessu að við misstum ekki Vestramenn lengra frá okkur en þetta og við fengum allavegana stig. Það er ennþá möguleiki þó við höfum ekki stjórn yfir öllum hlutunum sem spila þar inn í. Við þurfum að halda áfram og fara inn í næstu tvo leiki þar sem það dugar ekkert annað en sigur. Það er ekki einu sinni víst að það dugi. Við getum ekki horft til baka þegar tímabilið er búið og ekki gert allt sem við gátum, það verður ansi svekkjandi ef önnur lið misstiga sig og við gerum ekki okkar.“

Hvernig metur Ómar möguleika HK að halda sér uppi?

„Auðvitað erum við brattari, Vestramenn fengu fleiri stig en við í þessari umferð. Um leið og það er möguleiki hef ég trú eins og við höfum haft í allt sumar og fyrir tímabilið. Við stjórnum því miður ekki örlögum okkar sjálfir.“