Keppinautar munu krefjast þess að Man City verði vísað úr deildinni
City fagnar marki á tímabilinu.
Mynd: EPA
City fagnar marki á tímabilinu.
Mynd: EPA
Keppinautar Manchester City í ensku úrvalsdeildinni eru á þeirri skoðun að félagið eigi að falla úr deildinni ef það verður sannað að það hafi brotið fjármálareglur.
Enska úrvalsdeildin hefur ákært City fyrir brot á fjárhagsreglum 2009-2018. Sjálfstæð nefnd skoðar málið.
Ásakanirnar á hendur ríkjandi Englandsmeisturum tengjast fjárhagsupplýsingum varðandi tekjur, upplýsingar um laun stjóra og leikmanna, reglugerðir UEFA, arðsemi og sjálfbærni.
Ýmsar refsingar koma til greina ef sekt sannast á Manchester City. Þar á meðal er stigafrádráttur og möguleg brottvísun úr deildinni. Enska götublaðið The Sun fjallar um það að keppinautar City í ensku deildinni muni krefjast þess að félagið fái hörðustu mögulegu refsinguna ef það verður dæmt sekt í málinu - þá að félagið verði dæmt úr deildinni.
Vitnað er í ónefndan yfirmann hjá öðru félagi í deildinni sem segir: „Það verður þá að vera alvöru refsing. Sú eina sem myndi henta er brottvísun úr deildinni. Við erum að tala um misferli sem spannar áratug."
Sjá einnig:
Getur ekki séð að Man City verði dæmt niður úr deildinni
Ásakanirnar á hendur ríkjandi Englandsmeisturum tengjast fjárhagsupplýsingum varðandi tekjur, upplýsingar um laun stjóra og leikmanna, reglugerðir UEFA, arðsemi og sjálfbærni.
Ýmsar refsingar koma til greina ef sekt sannast á Manchester City. Þar á meðal er stigafrádráttur og möguleg brottvísun úr deildinni. Enska götublaðið The Sun fjallar um það að keppinautar City í ensku deildinni muni krefjast þess að félagið fái hörðustu mögulegu refsinguna ef það verður dæmt sekt í málinu - þá að félagið verði dæmt úr deildinni.
Vitnað er í ónefndan yfirmann hjá öðru félagi í deildinni sem segir: „Það verður þá að vera alvöru refsing. Sú eina sem myndi henta er brottvísun úr deildinni. Við erum að tala um misferli sem spannar áratug."
Sjá einnig:
Getur ekki séð að Man City verði dæmt niður úr deildinni
