Hjálmar Örn Jóhannsson og Ingimar Helgi Finnsson, stuðningsmenn Tottenham, óttast að Harry Kane sé að fara inn í sitt síðasta tímabil með liðinu.
„Hann hefur talað um að hann sé 27 ára og að áður en hann viti af sé hann orðinn 32-33 ára. Ég held að þetta sé í alvörunni mögulega síðasta tímabil Harry Kane hjá Tottenham," sagði Ingimar í upphitunarþætti fyrir enska boltann á Fótbolta.net í dag.
Hjammi sagði: „Þetta er mögulega síðasta tímabilið ef ekkert gerist. Ef þetta er 5-6. sæti og við dettum út úr öllum keppnum. Ef við náum Meistaradeildarsæti og einum bikar þá verður hann áfram. Þetta er gríðarlega mikilvægt tímabil."
Í hlaðvarpinu var einnig rætt um framherjakaup hjá Tottenham en Ingmar og Hjammi vilja fá mann sem varamann fyrir Kane. Troy Deeney, framherji Watford, var nefndur í því samhengi.
„Ég myndi elska að fá Troy Deeney. Hann væri alveg til í að vera á bekknum og koma inn á," sagði Hjammi.
Athugasemdir
