07.09.24 - 12:00
Ívan Guðjón Baldursson
Kane sækir innblástur til Messi og Ronaldo
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Harry Kane er orðinn 31 árs gamall og er staðráðinn í því að hægja ekki á sér í markaskorun þrátt fyrir hækkandi aldur.
Kane segist sækja innblástur til goðsagna á borð við Cristiano Ronaldo, Lionel Messi og Luka Modric sem eru enn að spila fótbolta á háu gæðastigi þrátt fyrir hækkandi aldur.
„Það var mjög erfitt að tapa þessum úrslitaleik en núna er ég enn hungraðari í titil heldur en áður, eftir að hafa komist svona nálægt því í annað sinn að sigra stórmót," sagði Kane á fréttamannafundi fyrir nágrannaslag Englands gegn Írlandi í Þjóðadeildinni sem fer fram í dag. Þar mun Lee Carsley stýra enska landsliðinu sem bráðabirgðaþjálfari og verður þetta fyrsti keppnisleikur Englands síðan liðið tapaði úrslitaleik Evrópumótsins gegn Spáni í sumar.
„Ég fæ vonandi nokkrar tilraunir í viðbót til að sigra stórmót. Mér líður mjög vel líkamlega og ég vona að ég geti spilað á háu gæðastigi næstu árin. Leikmenn á borð við Ronaldo, Modric og Messi veita mér innblástur þegar ég horfi á þá spila enn í dag þrátt fyrir að vera orðnir rétt tæplega 40 ára gamlir.
„Ég vil spila fótbolta sem lengst og á sem hæsta gæðastigi. Ég nota þessa leikmenn mér til fyrirmyndar og vonast til að geta haldið áfram jafn lengi og þeir."
„Það var mjög erfitt að tapa þessum úrslitaleik en núna er ég enn hungraðari í titil heldur en áður, eftir að hafa komist svona nálægt því í annað sinn að sigra stórmót," sagði Kane á fréttamannafundi fyrir nágrannaslag Englands gegn Írlandi í Þjóðadeildinni sem fer fram í dag. Þar mun Lee Carsley stýra enska landsliðinu sem bráðabirgðaþjálfari og verður þetta fyrsti keppnisleikur Englands síðan liðið tapaði úrslitaleik Evrópumótsins gegn Spáni í sumar.
„Ég fæ vonandi nokkrar tilraunir í viðbót til að sigra stórmót. Mér líður mjög vel líkamlega og ég vona að ég geti spilað á háu gæðastigi næstu árin. Leikmenn á borð við Ronaldo, Modric og Messi veita mér innblástur þegar ég horfi á þá spila enn í dag þrátt fyrir að vera orðnir rétt tæplega 40 ára gamlir.
„Ég vil spila fótbolta sem lengst og á sem hæsta gæðastigi. Ég nota þessa leikmenn mér til fyrirmyndar og vonast til að geta haldið áfram jafn lengi og þeir."
