Leikmenn og þjálfaralið rúmenska landsliðsins fóru í skimun fyrir Covid-19 í gær en ekkert smit var greint í hópnum. Einn starfsmaður landsliðsins greindist með veiruna í Búkarest en hann var þó ekki í kringum hópinn. Þetta kemur fram í tilkynningu frá rúmenska knattspyrnusambandinu.
Ísland og Rúmenía eigast við í undanúrslitum í umspili um sæti á Evrópumótinu á morgun en leikurinn hefst klukkan 18:45 á Laugardalsvelli.
Starfsmaðurinn sem greindist með veiruna fór í próf í Búkarest með hópnum en var ekki í kringum hópinn.
Þá hefur knattspyrnusambandið fengið niðurstöður úr skimun sem fór fram í Orkuhúsinu og er ljóst að allir greindust neikvæðir.
Það er því allt klárt fyrir landsleikinn á morgun en sigurvegarinn mætir Ungverjalandi eða Búlgaríu í úrslitaleik um sæti á EM.
Game on! All COVID tests for Romania's players and coaching staff are OK. There is one positive case, but from a person outside the team, according to the Romanian FA. Iceland vs Romania is going to be great! pic.twitter.com/DSiN2dYybT
— Emanuel Roşu (@Emishor) October 7, 2020
Athugasemdir