Dietmar Hamann skilur ekki hvers vegna Liverpool og Bayern München ættu að vilja fá Timo Werner, sóknarmann RB Leipzig.

Werner, sem hefur skorað 21 mark í þýsku úrvalsdeildinni á tímabilinu, hefur verið sterklega orðaður við bæði félög.

Hamann, sem lék bæði fyrir Bayern og Liverpool á ferli sínum, var í hlaðvarpsþætti Raphael Honigstein þar sem hann sagði: „Ég held að hann sé ekki leikmaður fyrir Bayern eða Liverpool miðað hvernig þessi lið spila í dag."

„Hvar á hann að spila? Jafnvel þó að við tökum Salah og Mane út úr myndinni þá er hann ekki kantmaður og sóknarmannsstaðan er líklega sú mikilvægasta í liði Liverpool."

„Firmino er vantmetinn að margra mati. Hann er sóknarmaður sem vill mikið vera í boltanum, hann skorar ekki mörg sem aðrir leikmenn skora en hann kemur öðrum leikmönnum inn í spilið. Það er ekki það sem Werner gerir."

Hamann finnst það líka furðulegt að Bayern sé á eftir honum þar sem í þýska stórliðinu er leikmaður að nafni Robert Lewandowski.

„Það kæmi mér á óvart ef Hansi Flick hefur mikinn áhuga. Við höfum séð hann í þýska landsliðinu í ákveðnum leikjum þar sem hann spilar á kantinum. Hann er ekki nægilega góður á boltanum og að komast fram hjá leikmönnum."

„Það er ekki hans leikur og því myndi það koma mér mjög á óvart ef hann fer til Bayern."

Werner hefur raðað inn mörkunum frá því hann fór til Leipzig frá Stuttgart árið 2016. Þá hefur hann gert 11 mörk í 29 landsleikjum með Þýskalandi.

STUÐNINGSSVEIT
FÓTBOLTA.NET

Boltinn er að byrja aftur!

Íslenski og enski boltinn byrja aftur í júní.

Enginn fjölmiðill fjallar eins mikið um fótbolta og Fótbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit