Portúgalski sóknarmaðurinn Cristiano Ronaldo spilaði í 5-1 sigri Manchester United á enska utandeildarliðinu Halifax Town á Carrington-æfingasvæðinu í dag.
Ronaldo kom inná sem varamaður í 2-1 tapi United gegn Brighton í fyrstu umferð ensku úrvalsdeildarinnar um helgina en hann fékk svo fleiri mínútur í lappirnar í dag.
United spilaði á móti Halifax Town og var Ronaldo í byrjunarliðinu en leikurinn fór fram fyrir luktum dyrum.
Hann var ekki eini leikmaðurinn úr aðalliðinu sem spilaði en Aaron Wan-Bissaka, Alejandro Garnacho, Eric Bailly og Anthony Elanga spiluðu allir.
Ekki kemur fram hverjir skoruðu mörk United.
Næsti leikur United er gegn Brentford á laugardag en sá leikur fer fram á Community-leikvanginum, heimavelli Brentford.
Athugasemdir
