Það eru sex breytingar gerðar á byrjunarliðinu frá jafnteflinu gegn Norður-Makedóníu á sunnudag. Hægt er að skoða byrjunarliðið með því að hérna.

Eiður kom inn á að Kári Árnason sé meiddur og því ekki með í dag. Jón Guðni Fjóluson kemur inn fyrir hann.

Hannes Þór Halldórsson byrjar í markinu í staðinn fyrir Rúnar Alex Rúnarsson, sem hefur byrjað síðustu tvo leiki.

„Þegar þú ferð út í þjálfarastöðuna þá þarftu að hugsa kannski aðeins út fyrir rammann. Við vitum það fyrir fram að Þýskaland mun vera með boltann 60-70 prósent af tímanum og það mun liggja á okkur. Okkur fannst Hannes kjörinn í þennan leik út af reynslunni. Hann hefur eiginleika fyrir þennan leik sem eru betri en það sem Rúnar Alex er með. Við vonumst eftir sömu frammistöðu frá Hannesi og við höfum séð frá honum síðustu tíu ár," sagði Eiður.

„Við vitum að Hannes verður ekki með okkur næstu þrjú árin, eða hvað sem það er, en þetta er leikurinn fyrir hann að okkar mati. Rúnar Alex á framtíðina fyrir sér, eins og Patrik. Framtíðin er björt hvað þessi mál varðar. Í dag fannst okkur þetta rétta ákvörðunin."