Fjölnir var að ganga frá tveggja ára samningi við Tinnu Sól Þórsdóttur sem kemur til félagsins úr röðum FH.
Tinna Sól er fædd árið 2003 og kom aðeins við sögu í einum deildarleik með FH sem vann Lengjudeildina í fyrra. Hún tók einnig þátt í einum bikarleik og skoraði mark þar en kláraði tímabilið svo með ÍH í 2. deildinni.
Tinna er miðjumaður að upplagi en hún er afar fjölhæf og getur leyst ýmsar stöður. Hún á að hjálpa Fjölni við komandi baráttu í 2. deild eftir að liðið féll úr Lengjudeildinni.
„Knattspyrnudeild Fjölnis fagnar því að semja við þennan spennandi leikmann og væntir mikils af samstarfinu," segir í tilkynningu frá Fjölni.
Athugasemdir
