Victor Lindelöf er farinn frá Man Utd
Manchester United hefur formlega staðfest brotthvarf þeirra Christian Eriksen, Jonny Evans og Victor Lindelöf. en allir renna út á samningi um mánaðamótin.
Hinn 33 ára gamli Eriksen kom til Man Utd frá Brentford árið 2022 og spilaði 108 leiki á tíma sínum hjá félaginu.
Hann skoraði í síðasta leik sínum í 2-0 sigrinum á Aston Villa í síðasta mánuði.
Lindelöf er þrítugur og lék með United í átta ár. Hann vann bæði enska bikarinn og deildabikarinn, eins og Eriksen, en hann lék 284 leiki með félaginu.
Evans er 39 ára gamall og var að spila fyrir United í annað sinn á löngum ferli. Hann er uppalinn hjá United og vann fjölda titla frá 2007 til 2015.
Hann söðlaði um næstu árin á eftir en sneri aftur heim árið 2023 og vann enska bikarinn ári síðar. Evans spilaði 241 leik á tíma sínum hjá United, en skórnir fara upp í hillu eftir þetta tímabil.
United greindi þá frá því að samningur Tom Heaton muni renna út um mánaðamótin, en að félagið sé í viðræðum um að framlengja samninginn.
Akademíuleikmennirnir Hubert Graczyk, Jack Kingdon, Sam Murray, Tom Myles, James Nolan og Tom Wooster fengu ekki nýjan samning.
We have sent our retained list to the #PL ????#MUFC
— Manchester United (@ManUtd) June 9, 2025
Athugasemdir
