Linköping 0 - 5 Häcken
0-1 Anna Anvegård ('13)
0-2 Hikaru Kitagawa ('50)
0-3 Alice Bergström ('55)
0-4 Paulina Nyström ('77)
0-5 Malin Brenn ('94, sjálfsmark)
0-1 Anna Anvegård ('13)
0-2 Hikaru Kitagawa ('50)
0-3 Alice Bergström ('55)
0-4 Paulina Nyström ('77)
0-5 Malin Brenn ('94, sjálfsmark)
María Catharína Ólafsdóttir Grós er eini Íslendingurinn sem kom við sögu í evrópska fótboltanum í dag þegar hún var í byrjunarliði Linköping gegn BK Häcken í efstu deild sænska boltans.
María Catharína byrjaði úti á vinstri kanti hjá Linköping og fékk að spila fyrstu 86 mínúturnar í stóru tapi gegn ógnarsterku liði Häcken.
Anna Anvegård skoraði eina markið í fyrri hálfleik en Häcken skipti svo um gír eftir leikhlé. Hikaru Kitagawa, Alice Bergström og Paulina Nyström bættu við mörkum áður en Malin Brenn gerði sjálfsmark svo lokatölur urðu 0-5.
Afar sannfærandi sigur hjá Häcken sem er í öðru sæti sænsku deildarinnar, einu stigi á eftir toppliði Hammarby.
Linköping er í næstneðsta sæti, með 5 stig eftir 10 umferðir.
Athugasemdir
