Cristiano Ronaldo hefur staðfest áform sín um að vera áfram hjá Al-Nassr í Sádi-Arabíu þrátt fyrir ýmis önnur tilboð.
Ronaldo mun því ekki fara með á HM félagsliða í sumar en hann sagði sjálfur í viðtali á dögunum að það sé ómögulegt fyrir sig að taka þátt í öllum keppnum verandi kominn á svo háan aldur.
Ronaldo er 40 ára gamall en er þrátt fyrir það enn í fullu fjöri. Hann var í byrjunarliði portúgalska landsliðsins og skoraði mark í úrslitaleik Þjóðadeildarinnar í gærkvöldi, þar sem Portúgalir sigruðu Spánverja eftir vítaspyrnukeppni.
„Það er ekkert að fara að breytast hjá mér. Ég verð áfram hjá Al-Nassr," sagði Ronaldo meðal annars í gærkvöldi.
Athugasemdir
