Sander Svendsen er nýr leikmaður Brann.
Það ríkti mikil óvissa með það hvort Norðmaðurinn Sander Svendsen hefði gengið í raðir Brann í Noregi frá OB í Danmörku áður en félagaskiptaglugginn lokaði fyrr í vikunni.
FIFA, Alþjóðaknattspyrnusambandið, hefur núna staðfest félagaskipti Svendsen til Brann.
Fram kemur í fréttatilkynningu frá Brann að skiptin hafi gengið í gegn á allra síðustu stundu. Og þá er meint á allra síðustu stundu.
Brann sendi öll gögn sem átti að senda til norska knattspyrnusambandsins klukkan 23:59:31 og gögnin haf svo farið til FIFA klukkan 23:59:59 - einni sekúndu áður en félagaskiptgalugginn lokaði.
Brann talar um að þetta sé mögulega heimsmet í því hversu nálægt gluggalokum hægt er að vera.
Jón Guðni Fjóluson gekk nýverið í raðir Brann og verða hann og Svendsen liðsfélagar.
Athugasemdir
