Kristian Nökkvi Hlynsson.
Kristian Nökkvi Hlynsson verður ekki með U21 landsliðinu í síðustu tveimur leikjunum í undankeppni EM vegna meiðsla.
Ólafur Ingi Skúlason, þjálfari liðsins, staðfesti þetta við Fótbolta.net í morgun.
Ólafur Ingi Skúlason, þjálfari liðsins, staðfesti þetta við Fótbolta.net í morgun.
„Kristian er bara frá. Hann meiddist í síðasta leik með Ajax og er frá, því miður," sagði Ólafur Ingi.
Kristian, miðjumaður sem er á mála hjá Ajax í Hollandi, hefur mikið verið hluti af A-landsliðinu upp á síðkastið en hefur ekki verið í síðustu tveimur hópum þar. Hann var valinn í U21 landsliðið núna en verður ekki með í tveimur mikilvægum leikjum.
Kristall Máni Ingason, leikmaður SönderjyskE í Danmörku, er þá tæpur fyrir verkefnið en hann er í leikbanni gegn Litháen á morgun.
Strákarnir eiga möguleika á því að komast á lokamót EM með góðum úrslitum í síðustu tveimur leikjum sínum gegn Litháen og Danmörku.
Athugasemdir
