Gengi Tottenham það sem af er tímabili hefur verið afar slæmt, liðið er búið að vinna þrjá af fyrstu tólf deildarleikjunum.
Tottenham gerði jafntefli við Sheffield United á heimavelli í dag, Moussa Sissoko ræddi um stöðu liðsins að leik loknum.
„Hlutirnir hafa ekki verið að ganga upp hjá okkur og hafa ekki verið að gera það á þessu tímabili. Afhverju staðan er svona, það veit ég ekki. Allir eru að reyna gera sitt besta en samt náum við ekki í úrslitin sem við viljum," sagði Sissoko.
„Öll lið ganga í gegnum erfiðleika, þetta er búið að vera frekar erfitt hjá okkur í nokkrar vikur núna. Það er ekkert annað að gera en að halda áfram að leggja mikið á sig og gera sitt besta á hverjum degi þar til allt verður betra."
„Við vitum hvað við getum, það eru mikil gæði í þessum leikmannahópi. Við vitum að við getum gert betur en þetta, vonandi náum við að snúa genginu við sem fyrst. Það er nóg eftir af þessu tímabili, í Meistaradeildinni erum við í góðum málum," sagði Sissoko að lokum.
Athugasemdir
