Arsenal ákvað að fá Willian til félagsins og byrjaði hann vel hjá félaginu í fyrsta leik. Hann lagði þá upp þrjú mörk í sigri Arsenal gegn Fulham í fyrstu umferð.

En síðan þá hefur ekkert gengið. Willian hefur verið inn og út úr liðinu hjá Arsenal og stuðningsmenn félagsins eru orðnir þreyttir á leikmanninum.

Frá því Willian kom til Arsenal hefur hann spilað þrettán leiki og ekki enn tekist að skora mark. Það sem er athyglisvert í tölfræði hans er það að hann hefur einungis átt tvö skot á markið fyrir félagið í öllum keppnum á þessu tímabili.

Arsenal komst áfram í FA bikarnum í gær með sigri á Newcastle eftir framlengingu. Willian var í byrjunarliði Arsenal í leiknum.