10.02.24 - 14:58
Aksentije Milisic
Glódís lék allan leikinn þegar Bayern valtaði yfir Köln
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Glódís Perla Viggósdóttir var að venju í liði Bayern Munchen í dag en þær mættu Köln á útivelli í þýsku úrvalsdeildinni.
Bayern er á toppnum en Köln er í níunda sætinu og áttu gestirnir ekki í nokkrum vandræðum með Köln í dag.
Linda Dallmann, Lea Schüller, Georgia Stanway og Jovana Damnjanovic skoruðu mörk gestanna og þá var eitt markanna sjálfsmark. Staðan í hálfleik var 0-3.
Glódís lék allan leikinn en Bayern er með fjórum stigum meira heldur en Wolfsburg sem situr í öðru sætinu. Wolfsburg á þó einn leik til góða.
