Rodrygo orðaður við Liverpool - Mörg félög í Sádi-Arabíu vilja Casemiro - Dortmund hefur áhuga á Greenwood
Aftur í landsliðinu eftir langa fjarveru - „Þetta voru tvær aðgerðir í einni"
Ingibjörg segir skilið við Duisburg - „Þetta voru frekar langar vikur"
Lífið áfram gott í Lilleström - „Höfum fengið allt eins og venjulega"
Valið kom Kötlu ekki á óvart - „Ég var að bíða eftir þessu símtali"
Útskýrir af hverju hún valdi Ísland - „Brosti bara í bílnum"
Borgaði sjálfur fyrir Airbnb á Íslandi - „Það endaði með samningi"
Nokkrum kílóum léttari eftir langþráðan sigur - „Þá er bara spurning hvort við séum menn eða mýs“
Ómar um Zidane-snúninginn: Mistök sem hann gerir ekki aftur
Rúnar Páll: Öll lið þurfa svoleiðis leikmenn
Hemmi Hreiðars: Ekkert mikið meira sem við getum gert
Gunnar Heiðar: Sérstakt að mæta vinum mínum
Áttu Blikar að fá víti? - „Fann vel fyrir því að hann steig á mig“
Rúnar Kristins: Engin skömm að tapa fyrir Breiðabliki
Eyjó Héðins: Frábær kvöldstund fyrir okkur Kópavogsbúa
Haddi: Sanngjarn stór sigur hjá Stjörnunni
Jökull: Við vildum koma inn af krafti
14 ára spilar sinn fyrsta leik „Takk Jökull fyrir tækifærið"
Heimir: Vonbrigði að fá ekki meira út úr leiknum
Addi Grétars: Með ólíkindum að Gylfi hafi ekki séð það
Sindri: Viðurkenni að ég beið smá eftir flautinu og ánægjulegt að það kom ekki
   mið 10. apríl 2024 16:32
Sæbjörn Þór Þórbergsson Steinke
Breki Baxter: Sambandið við þjálfarann versnaði og svo hófst stríð
Fékk símtal um morguninn og var mættur til Ítalíu um kvöldið.
Fékk símtal um morguninn og var mættur til Ítalíu um kvöldið.
Mynd: Fótbolti.net - Hafliði Breiðfjörð
Verður hjá Stjörnunni í sumar.
Verður hjá Stjörnunni í sumar.
Mynd: Stjarnan
Gekk í raðir Selfoss fyrir tímabilið 2021.
Gekk í raðir Selfoss fyrir tímabilið 2021.
Mynd: Jónína Guðbjörg Guðbjartsdóttir
'Ég ætla vinna mig hægt og rólega inn í hlutina og við sjáum til hvað ég fæ mörg tækifæri í sumar'
'Ég ætla vinna mig hægt og rólega inn í hlutina og við sjáum til hvað ég fæ mörg tækifæri í sumar'
Mynd: Fótbolti.net - Haukur Gunnarsson
'Markmiðið í sumar er að spila eins margar mínútur og ég get'
'Markmiðið í sumar er að spila eins margar mínútur og ég get'
Mynd: Fótbolti.net - Hafliði Breiðfjörð
Þorlákur Breki Baxter er nítján ára sóknarmaður sem gekk í raðir Stjörnunnar í upphafi mánaðar. Breki er unglingalandsliðsmaður sem uppalinn er hjá Hetti en hefur síðustu ár verið á Selfossi. Hann samdi við ítalska félagið Lecce síðasta haust en fékk sig lausan þaðan og er nú mættur í Stjörnuna.

Fótbolti.net ræddi við hann um veturinn og skiptin í Stjörnuna. Byrjað var að ræða um aðdragandann að skiptunum til Lecce.

„Ég er bara í skólanum, þá hringir umboðskallinn í mig og segir að það sé lið á Ítalíu sem væri til í að fá mig. Samdægurs er flug til Ítalíu með mömmu, skrifað undir á flugvellinum og er mættur til Ítalíu. Þetta gerist bara á einum degi, hringt um morguninn og ég kominn til Ítalíu um kvöldið. Nei, það var ekkert hik, þetta var dálítið 'fokk it', tökum sénsinn og sjáum hvað gerist."

Hvað vissir þú um Lecce þegar þú skrifaðir undir samninginn?

„Ekki mikið, við gúggluðum borgina og Óli (Ólafur Garðarsson umboðsmaður) var búinn að segja mér smá frá þessu og hverjir væru að vinna fyrir klúbbinn og hvað ég væri að labba inn í."

Erfiðir mánuðir hjá Lecce
Breki vildi upphaflega ekki ræða mikið um mánuðina hjá Lecce en sagði þó eitthvað.

„Ég ætla ekkert mikið út í það, mánuðirnir voru mjög 'tough' og mikið kom upp á, mikið bakvið tjöldin sem ég ætla ekki að fara nánar út í. Þetta persónulega gekk ekki hjá mér, því miður, þannig ég er kominn aftur heim."

Er eitthvað sem þú hefðir getað gert öðruvísi?

„Já, að sjálfsögðu. Það var erfitt að aðlagast menningunni og fólkinu í suðrinu. Ég hefði getað kynnst menninguna meira og verið fljótari að læra tungumálið til að skilja fólkið betur. En annars lagði ég mig fram."

„Þetta er geðveik reynsla fyrir hausinn, það er það sem ég tek út úr þessu og ég tapaði alls ekki á þessu. Þetta var mjög 'tough' umhverfi, dálítið verið að negla á þér á hverjum degi."


Bað um að fara á lán og þá súrnuðu hlutirnir
Hvenær vissir þú að Lecce ævintýrið væri búið?

„Ég var búinn að biðja um að fá að fara á lán en þeir tóku ekkert alltof vel í það. Síðan sama dag og ég á flug heim þá fæ ég þau skilaboð að ég geti bara tekið töskuna með mér. Ég var alveg tilbúinn í það, kom til Íslands og við reyndum að vera í samskiptum við Lecce. Ég varð bara eftir á Íslandi og veit bara um jólin að ég þarf ekki að fara aftur út."

Varstu að fá eitthvað að spila hjá Primavera liði Lecce?
„Þetta byrjar þannig að ég fer í landsliðsverkefni U19, ég togna þar illa á ökklanum. Lecce vill fá mig fyrr út og ég fylgdi því, ekkert mál. Þeir voru að reyna neyða mig í að æfa og spila mínútur þrátt fyrir að ég væri meiddur - tognaður. Sambandið milli mín og þjálfarans versnaði og það verður dálítill "fightingur". Svo bið ég um lán, þá er mér bara hent út úr myndinni og þá hefst dálítið stríð." Alls kom hann við sögu í fimm leikjum með Lecce á tíma sínum á Ítalíu.

Breki æfði samkvæmt heimildum Fótbolta.net með FH, Víkingi, Vestra, Selfossi og Aftureldingu áður en hann samdi svo við Stjörnuna. „Eftir að það kom í fréttirnar að ég væri laus þá fór síminn að hringja og ég fór að æfa með mörgum liðum."

Jökull og plönin heilluðu
Var Stjarnan mest heillandi af því sem var í boði?

„Já, ég er sáttur með að velja Stjörnuna, skemmtilegt verkefni og Jökull (Elísabetarson þjálfari) er toppmaður. Mér leist vel á æfingarnar, leist vel á hópinn og plönin þeirra. Jökull tók mig á fund og talaði mikið um 'power'. Þeir eru með sprettæfingar sem er klárlega eitthvað sem ég þarf að vinna í. Það heillaði mig mikið og hvernig fótbolta liðið vill spila. Jökull náði að heilla mig með því hvernig hann lagði upp hlutina."

„Standið er fínt en ég er ekki í góðu leikformi, missti af undirbúningstímabilinu þannig séð og er bara búinn að spila einn hálfleik. Ég þarf að treysta Jökli með leikformið, koma mér hægt og rólega inn í hlutina. Vonandi get ég komist á völlinn eins fljótt og hægt er."

„Það er erfitt að slá Emil (Atlason) út, hann er besti senterinn í deildinni. Ég ætla vinna mig hægt og rólega inn í hlutina og við sjáum til hvað ég fæ mörg tækifæri í sumar. Ég treysti Jökli fyrir því."


Voru vonbrigði að vera ekki í hópnum gegn Víkingi?

„Já og nei. Ég fæ leikheimild bara seint á föstudegi og hópurinn var tilkynntur um morguninn. Ég skil það mjög vel, ég er að vinna mig inn í hlutina, bara búinn að æfa í mjög stuttan tíma með Stjörnunni."

Frábær reynsla hjá Go Ahead
Áður en Breki gekk í raðir Stjörnunnar fór hann á reynslu til hollenska félagsins Go Ahead Eagles.

„Ég fór í viku til Go Ahaed fyrir tveimur vikum síðan. Willum (Þór Willumsson) var ekki þarna þar sem hann var með A-landsliðinu. Þetta var geðveik reynsla, frábær klúbbur og við erum í samskiptum við þá, þeir vita af mér og ég veit af þeim. Stjarnan er það sem verður í sumar."

„Markmiðið í sumar er að spila eins margar mínútur og ég get, ég get spilað margar stöður og ég vil vinna mig inn í hlutina,"
sagði Breki að lokum.

Viðtalið má sjá í spilaranum efst. Stjarnan mætir KR í 2. umferð Bestu deildarinnar og verður áhugavert að sjá hvort Breki verði í hópnum.
Athugasemdir
banner
banner
banner