,,Brattari brekka núna
Ólafur Þór Guðbjörnsson, þjálfari Stjörnunnar
„Bara eins og alltaf þegar við töpum leik, það eru vonbrigði og búið að vera full mikið af þeim í sumar. Við bara töpuðum fyrir betra liði í dag, þær áttu mikið betri leik og þetta var sanngjarn sigur af þeirra hálfu. Við verðum að viðurkenna það," sagði Ólafur Þór Guðbjörnsson, þjálfari Stjörnunnar, eftir tap gegn Þór/KA í kvöld.
Lestu um leikinn: Þór/KA 3 - 1 Stjarnan
Stjarnan hefði getað komið sér í betri stöðu í toppbaráttunni en nú er ljóst að það þarf mikið til ef þær ætla að gera atlögu að meistaratitlinum.
„Það verður brattari brekka sem verðum að fara en við erum bara búin að ákveða það að við tökum einn leik fyrir í einu í þessu og við verðum bara að sjá hvað gerist í haust. Við getum ekki verið að velta fyrir okkur hvað hin liðin eru að gera og við erum í erfiðu og skemmtilegu prógrammi núna í júlí. Þannig að það er bara undir okkur komið að standa okkur og sjá hvað við fáum mörg stig út úr því," sagði Ólafur.
Hann segir að leikurinn hafi heilt yfir verið slæmur af þeirra hálfu og þá sérstaklega fyrri partur seinni hálfleiks. Harpa Þorsteinsdóttir fer snemma út af meidd og Katrín Ásbjörnsdóttir var á bekknum en gat ekki tekið þátt vegna meiðsla.
„Þannig er fótboltinn og þú þarft að hafa hóp í það að spila ef þú ætlar að vera í toppbaráttunni og við náðum ekki að standa undir því í dag, við viðurkennum það. Við söknuðum þeirra, en það er bara okkar mál."
Ólafur á ekki von á miklum breytingum í glugganum, en sjá má allt viðtalið í spilaranum hér að ofan.
Athugasemdir
