Jakob Leó Bjarnason, þjálfari Hauka.
Jakob Leó Bjarnason, þjálfari Hauka, var kampakátur eftir 7-1 sigur á sameiginlegu liði Fjarðabyggðar, Hattar og Leiknis F. á Ásvöllum í kvöld.
Haukar voru 2-0 yfir í hálfleik og settu í fluggírinn þegar líða fór á seinni hálfleikinn.
Haukar voru 2-0 yfir í hálfleik og settu í fluggírinn þegar líða fór á seinni hálfleikinn.
Lestu um leikinn: Haukar 7 - 1 Fjarðab/Höttur/Leiknir
„Það er gott að komast áfram, það var markmiðið að fara í 8-liða úrslit. Ég er fyrst og fremst glaður með það," sagði Jakob í samtali við Fótbolta.net eftir leikinn.
„Við gerum klaufaleg mistök og fáum á okkur mark og staðan varð 3-1, en við skorum í næstu sókn. Stelpurnar voru staðráðnar í að halda áfram og ekki láta þetta mark koma í bakið á okkur. Við unnum flottan sigur í deildinni og það var gott að fá mörk í dag."
Haukar verða eitt af tveimur liðum sem leikur ekki í Pepsi Max-deildinni í 8-liða úrslitunum. Nágrannar Hauka í FH eru komnar áfram og það er möguleg viðureign.
„Við fórum létt með þær síðast þannig að eigum við ekki að segja að það væri bara príma?" sagði Jakob um það að mæta mögulega FH og bætti hann við: „Það væri líka gaman að fá KR-ingana."
Melissa Alison Garcia fór meidd af og telur Jakob það ekki líta vel út. Hún var borin af velli. Viðtalið í heild sinni má sjá hér að neðan.
