„Hann hefur ennþá traustið," segir Didier Deschamps, landsliðsþjálfari Frakklands, um Antoine Griezmann.
Griezmann er vítaskytta franska landsliðsins og verður það áfram þrátt fyrir að hafa klúðrað tveimur vítaspyrnum í röð með landsliðinu.
Griezmann klúðraði vítaspyrnu í 3-0 sigri gegn Andorra í síðasta landsleikjaglugga. Hann klúðraði einnig í 4-1 sigri á Albaníu í sama landsliðsverkefni.
Deschamps var spurður að því á blaðamannafundi í Laugardalnum hvort Griezmann væri áfram vítaskytta Heimsmeistaranna.
„Hann er mjög góður í að taka vítaspyrnur. Ég treysti honum þó að aðrir leikmenn geti líka tekið góð víti. Til dæmis Giroud og Mbappe," sagði franski landsliðsþjálfarinn.
Leikur Íslands og Frakklands í undankeppni EM 2020 er annað kvöld og hefst hann klukkan 18:45.
Sjá einnig:
Líklegt byrjunarlið Íslands - Hvernig verður miðjan?
Líklegt byrjunarlið Frakka - Stjörnuprýtt lið
Athugasemdir