Fótbolti.net

Gerðist fljótt eftir leikinn gegn Víkingi - „Meiri séns á að verða betri leikmaður"

Heiður að fá svona mörg símtöl - Fékk góða gjöf eftir skiptin

Sér ekki eftir fríinu í nóvember - Heimslistinn spilaði inn í

Arnar Gunnlaugs: Það lélegt að ég hef gríðarlegar áhyggjur

Jón Sveins: Vorum klaufar að skora ekki fleiri mörk

„Hef trú á því að ég geti orðið betri leikmaður undir þeirra stjórn"

Skrítnari hlutir gerst í fótboltanum - „KR er fortíðin"

Grátlegt að missa af síðustu landsleikjum - „Aldrei heyrt um svona meiðsli"

Óviss hvert svarið yrði - „Mamma grét og fannst þetta mjög gaman"

Heyrði smell í síðasta sprettnum - „Náði að búa til límonaði úr þessu"

Björn Bragi gefur út Krakkakviss fótboltaspil

Aron Jóhannsson: Um leið og hann hringdi var þetta aldrei spurning

Gerði samkomulag við Samma - „Búinn að vonast eftir þessu síðustu ár"

„Forréttindi að hafa haft tvær Chelsea goðsagnir sem þjálfara"

Birkir Valur: HK hjartað er sterkt og slær hart

Aron Bjarna: Erfitt að keppa við félögin sem eru með mun hærra budget

Lánið lykill að frábæru gengi Norrköping - „Besta sem ég gat gert"

Valgeir: Ef ég hefði farið þá hefði tækifærið hjá Örebro ekki komið

„Í draumaheimi? Þá kæmi draumatilboð og þá væri maður ekki áfram"

TM-Mót Stjörnunnar 2023

mán 10. október 2022 13:30

@gummi_aa

Guðmundur Aðalsteinn Ásgeirsson
Porto

Dagný: Vona innilega að allt sé þegar þrennt er á þessu ári

Dagný Brynjarsdóttir.

Mynd: Fótbolti.net - Jónína Guðjörg Guðbjartsdóttir

Paul Konchesky.

Mynd: Getty Images

Dagný er leikmaður West Ham á Englandi.

Mynd: Getty Images

„Við tókum okkar helsta undirbúning á Algarve og flugum yfir til Porto í gær," segir Dagný Brynjarsdóttir, miðjumaður landsliðsins, í samtali við Fótbolta.net.

Landsliðið kom til Porto í gærkvöldi eftir að hafa verið í æfingabúðum á Algarve í nokkra daga.

Á Algarve komst liðið að því að andstæðingurinn í umspilinu fyrir HM er Portúgal og því var flogið innanlands yfir til Porto þar sem liðið æfir á keppnisvellinum í dag.

Á morgun spilar Ísland einn sinn mikilvægasta leik í sögunni er við mætum Portúgal á útivelli. Þetta er hreinn úrslitaleikur þar sem sigurliðið kemur til með að vinna sér sæti á HM sem fram fer á næsta ári - eða þá inn í annað umspil sem fram fer í Nýja-Sjálandi í febrúar á næsta ári.

„Það var mjög þægilegt að vera á Algarve, gott veður og mikil sól. Við vorum í íbúðum og það var ágætis breyting frá hótel lífinu. Við erum margar búnar að vera undir miklu leikjaálagi og það var held ég ágætt að taka ekki vináttuleik eins og einhverjar þjóðir voru að gera. Við höfum nýtt æfingarnar vel og undirbúið okkur sem best," segir Dagný.

Konchesky með á æfingum
Dagný leikur með West Ham á Englandi og tímabilið er nýbyrjað á Englandi. Dagný skoraði á dögunum í svekkjandi tapi gegn Chelsea.

„Við byrjuðum á erfiðum leikjum og höfum unnið einn af þremur. Við spiluðum við tvö af toppliðunum. Það hefur gengið fínt en maður vill alltaf gera betur."

„Auðvitað er maður í þessu til að bera sig saman við þá bestu og spila stærstu leikina, en ég viðurkenni að manni langar að fara að vinna þessa leiki."

Þjálfari West Ham er Paul Konchesky, fyrrum bakvörður Liverpool, West Ham og fleiri félaga.

„Hann er mjög skemmtilegur og getur kennt manni mikið. Það er öðruvísi að vera með þjálfara sem á svona stóran feril, með mikla reynslu og þekkir leikinn vel. Mér finnst frábært að hafa einhvern sem getur sett sig í spor leikmanna því það er svo stutt síðan hann lagði skóna á hilluna. Hann er líka með gott fólk í kringum sig til að aðstoða sig."

„Hann er reglulega með á æfingum sem er gaman, en ég viðurkenni að maður á þá ekki mikinn séns. Hann er enn mjög góður í fótbolta," sagði Dagný létt.

Spennt fyrir Portúgal
Svo er það Portúgal á morgun. Þær unnu Belgíu til að komast í þennan leik og litu gríðarlega vel út þar.

„Mér líst mjög vel á hann. Þetta eru ákveðin forréttindi þetta árið. Við erum búnar að spila stórleik á móti Frakklandi, svo aftur á móti Hollandi og svo aftur núna á móti Portúgal. Þetta eru stórleikir með stuttu millibili. Hinir leikirnir fóru okkur ekki í hag og það er vond tilfinning. Við ætlum að snúa þeim tilfinningum í eitthvað betra á móti Portúgal. Þetta leggst vel í okkur," segir Dagný og bætir við að íslenska liðið þurfi að eiga sinn besta leik á morgun.

„Ég vona innilega að allt sé þegar þrennt er á þessu ári."

Athugasemdir

Nýjustu fréttirnar