Fyrsti leikur 27 umferðarinnar í ensku úrvalsdeildinni er viðureign Bournemouth og Liverpool á Vitality leikvangnum í Bournemouth. Flautað verður til leiks klukkan 12:30.
Nýliðarnir eru í neðsta sæti deildarinnar en liðið hefur einungis unnið einn af síðustu tólf leikjum sínum í öllum keppnum. Bournemouth tapaði á svekkjandi hátt gegn toppliði Arsenal á útivelli í síðustu umferð þar sem Skytturnar skoruðu sigurmarkið á lokasekúndu leiksins.
Gestirnir frá Liverpool borg hafa heldur betur vaknað upp á síðkastið en í síðustu fimm deildarleikjum liðsins hefur Liverpool unnið fjóra og gert eitt jafntefli. Liðið er nú í bullandi baráttu um sæti í topp fjórum en eins og allir vita þá niðurlægði Liverpool erkifjendur sína í Manchester United í síðustu umferð.
Það eru þrjár breytingar á byrjunarliði Bournemouth í dag frá tapinu gegn Arsenal en stillt er upp í fjögurra manna vörn en ekki fimm eins og á Emirates leikvangnum.
Jefferson Lerma, Lloyd Kelly og Jaidon Anthony koma inn fyrir þá Chris Mepham, Jordan Zemura og Antoine Semenyo. Þá er David Brooks mættur aftur á bekkinn en hann sigraðist á krabbameini.
Jurgen Klopp, stjóri Liverpool, gerir eina breytingu á sínu liði. Stefan Bajcetic kemur inn fyrir Jordan Henderson sem sest á bekkinn.
Bournemouth: Neto, Smith, Stephens, Senesi, Kelly, Lerma, Rothwell, Billing, Ouattara, Anthony, Solanke.
(Varamenn: Travers, Fredericks, Cook, Mepham, Brooks, Christie, Vina, Moore, Semenyo.)
Liverpool: Alisson, Alexander-Arnold, Konate, Van Dijk, Robertson, Fabinho, Bajcetic, Elliott, Salah, Gakpo, Nunez.
(Varamenn: Adrian, Milner, Firmino, Henderson, Jota, Tsimikas, Carvalho, Arthur, Matip.)
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Man City | 32 | 22 | 7 | 3 | 76 | 32 | +44 | 73 |
2 | Arsenal | 32 | 22 | 5 | 5 | 75 | 26 | +49 | 71 |
3 | Liverpool | 32 | 21 | 8 | 3 | 72 | 31 | +41 | 71 |
4 | Aston Villa | 33 | 19 | 6 | 8 | 68 | 49 | +19 | 63 |
5 | Tottenham | 32 | 18 | 6 | 8 | 65 | 49 | +16 | 60 |
6 | Newcastle | 32 | 15 | 5 | 12 | 69 | 52 | +17 | 50 |
7 | Man Utd | 32 | 15 | 5 | 12 | 47 | 48 | -1 | 50 |
8 | West Ham | 33 | 13 | 9 | 11 | 52 | 58 | -6 | 48 |
9 | Chelsea | 31 | 13 | 8 | 10 | 61 | 52 | +9 | 47 |
10 | Brighton | 32 | 11 | 11 | 10 | 52 | 50 | +2 | 44 |
11 | Wolves | 32 | 12 | 7 | 13 | 46 | 51 | -5 | 43 |
12 | Fulham | 33 | 12 | 6 | 15 | 49 | 51 | -2 | 42 |
13 | Bournemouth | 32 | 11 | 9 | 12 | 47 | 57 | -10 | 42 |
14 | Crystal Palace | 32 | 8 | 9 | 15 | 37 | 54 | -17 | 33 |
15 | Brentford | 33 | 8 | 8 | 17 | 47 | 58 | -11 | 32 |
16 | Everton | 32 | 9 | 8 | 15 | 32 | 48 | -16 | 27 |
17 | Nott. Forest | 33 | 7 | 9 | 17 | 42 | 58 | -16 | 26 |
18 | Luton | 33 | 6 | 7 | 20 | 46 | 70 | -24 | 25 |
19 | Burnley | 33 | 4 | 8 | 21 | 33 | 68 | -35 | 20 |
20 | Sheffield Utd | 32 | 3 | 7 | 22 | 30 | 84 | -54 | 16 |