Hulda Margrét Brynjarsdóttir er gengin aftur til liðs við ÍA eftir að hafa verið fjarri knattspyrnuiðkun í nokkur ár vegna barneigna.
Hulda Margrét hefur búið í Noregi en er komin aftur til Íslands til að spila með Skagakonum yfir sumarið.
Hulda Margrét er fædd 1993 og hefur alla tíð spilað fyrir ÍA hér á landi. Hún hefur gert 5 mörk í 53 leikjum á ferlinum og var fastamaður í byrjunarliðinu sumarið 2017.
ÍA leikur í Lengjudeildinni og tapaði útileik gegn Gróttu í fyrstu umferð Íslandsmótsins.
Athugasemdir
