Það ganga um sögur þess efnis að sóknarmaðurinn Pétur Theódór Árnason sé á leið í Breiðablik.
„Það sagði mér fugl að Pétur Theódór í Breiðablik væri nánast frágengið, hann væri á leiðinni í Kópavoginn," sagði Elvar Geir Magnússon í útvarpsþættinum í gær.
„Áhugavert," svaraði Tómas Þór Þórðarson.
Pétur Theódór er markahæsti leikmaður Lengjudeildarinnar með 13 mörk í 11 leikjum.
Þjálfarar Breiðablik þekkja hann vel; Óskar Hrafn Þorvaldsson og Halldór Árnason unnu með honum í Gróttu.
Athugasemdir