Það er ekki víst að markmaðurinn Andre Onana sé á leið til Arsenal eins og búist var við fyrr í sumar.
Onana er að kveðja lið Ajax í Hollandi en hann er nú í keppnisbanni eftir að hafa fallið á lyfjaprófi.
Nú er Lyon að vinna í því að tryggja sér Onana en umboðsmaður leikmannsins staðfesti þessar fregnir í gær.
„Já það er áhugi, félögin eru að ræða saman," sagði umboðsmaðurinn við Voetbal Primeur.
Onana er 25 ára gamall og hefur verið aðalmarkvörður Ajax undanfarin fimm ár.
Athugasemdir