Rúnar Kristinsson, þjálfari KR, var ánægður eftir 3-1 sigur liðsins á ÍBV í kvöld. Rúnar hafði tvöfalda ástæðu til að vera ánægður því auk sigursins spilaði sonur hans Rúnar Alex sinn fyrsta lek í Pepsi-deildinni.
Alex kom inn á sem varmaður í upphafi síðari hálfleiks eftir að Hannes Þór Halldórsson fékk að líta rauða spjaldið.
Alex kom inn á sem varmaður í upphafi síðari hálfleiks eftir að Hannes Þór Halldórsson fékk að líta rauða spjaldið.
Lestu um leikinn: KR 3 - 1 ÍBV
,,Hannes er búinn að vera okkar fyrsti markvörður og hann er landsliðsmarkvörður Islands þannig að það er erfitt fyrir Alex að slá hann út. Hann er mjög efnilegur og hefur staðið sig gríðarlega vel."
,,Rautt spjald er kannski hans eini séns til að koma inn. Ég hefði ekki skipt Hannesi út bara til að gefa honum leik."
Hannes er í leikbanni í næsta leik gegn Breiðabliki og Rúnar Alex verður því í markinu þar.
,,Ég treysti honum fullkomlega í það. Ég hefði treyst honum í fyrsta leik í deildinni í sumar án vandkvæða. Hann er þroskaður strákur og hörkugóður markvörður. Hann á eftir að standa sig vel."
Rúnar var frábær miðjumaður á sínum tíma en af hverju gerðist sonur hans markvörður?
,,Þetta var eitthvað sem móðir hans vildi helst ekki að myndi gerast. Hann veiktist þegar hann var mjög ungur og fór á spítala í nokkra daga."
,,Þegar hann kom út var hann búinn að grennast og var aumur og lítill. Hann var 7 eða 8 ára og honum var hent í markið. Hann stóð sig svo vel að menn vildu ekki hleypa honum út aftur. Hann var hörkugóður fótboltamaður og er það líka í dag," sagði Rúnar sem hrósaði FH og Breiðabliki sérstaklega í lok viðtalsins.
,,Ég vil hrósa bæði Óla og Heimi fyrir þeirra leiki með sínum liðum á undanförnum vikum. Það er gaman að sjá hvað íslensku liðin eru að spila vel og hvað þau eru skipulögð. Það er ánægjulegt að sjá þau standa sig vel og Heimir og Óli eiga mikið hrós skilið."
Hér að ofan má sjá viðtalið í heild sinni.
Athugasemdir
