Barcelona fundaði með umboðsmönnum brasilíska leikmannsins Vitor Roque og ákvörðun hefur verið tekin um að senda hann á lán áður en félagaskiptaglugginn lokar í sumar.
Roque gekk til liðs við Barcelona frá Athletico Paranaense í heimalandinu í janúar en hann kom aðeins við sögu í 14 leikjum og var ekki sáttur með spilatímann sem hann fékk.
Það hefur legið í loftinu lengi að hann muni yfirgefa Barcelona en félagið er eingöngu tilbúið að lána hann þar sem félagið hefur mikla trú á þessum 18 ára gamla framherja.
Félög á borð við Porto, Lazio og Napoli hafa sýnt honum áhuga.
Athugasemdir
