Liðið vann 8-0 sigur gegn Liechtenstein í fyrsta leik sínum og vann svo í morgunsárið stórsigur á Færeyjum í öðrum leik sínum.

Færeyjar unnu 3-1 sigur gegn Litháen í fyrsta leik sínum en þurfti að sætta sig við 4-0 tap gegn Íslandi í dag. Írena Héðinsdóttir Gonzalez kom Íslandi á bragðið og bætti Snædís María Jörundsdóttir við öðru marki fyrir leikhlé.

Sædís Rún Heiðarsdóttir og Henríetta Ágústsdóttir bættu svo við mörkum í seinni hálfleik og mjög svo þægilegur sigur staðreynd.

Ef Ísland vinnur riðilinn, eins og liðið er á ansi góðri leið með að gera, þá fer liðið beint áfram á næsta stig undankeppninnar. Það fara að lokum sjö lið á mótið í gegnum undankeppnina en Belgar eru komnir á mótið þar þau halda það.