Franski framherjinn Kylian Mbappe gerði sigurmark Paris Saint-Germain í 2-1 sigrinum á Brest í gær en margir eru á því að hann hafi átt að fá rauða spjaldið nokkrum mínútum áður.
Mbappe og Haris Belkebla, leikmaður Brest, voru að kljást á vellinum sem endaði með því að Mbappe sparkaði aftan í hann en Belkabla brást ekki vel við því. Hann reiddist og hélt í fótinn á Mbappe.
Frakkanum var ekki skemmt og fór það svo að hann sparkaði í bringuna á Bekebla.
Dómari leiksins gaf báðum leikmönnum gula spjaldið og þar við sat en átti Mbappe að sjá rauða spjaldið í þessu atviki?
Hægt er að sjá það hér fyrir neðan.
It’s okay to kick out if you’re Mbappe pic.twitter.com/PLxV4rCuaw
— Sam (@Afcsammmm) March 11, 2023
Athugasemdir