Erik ten Hag, stjóri Manchester United á Englandi, var ekki ánægður við dómgæsluna í markalausa jafnteflinu gegn Southampton á Old Trafford í dag.
Leikmenn Manchester United kölluðu þrisvar eftir því að fá vítaspyrnu í leiknum.
Bruno Fernandes datt í teignum eftir viðskipti sín við Kyle Walker-Peters og sá virtis Armel Bella-Kotchap handleika knöttinn í teignum undir lok fyrri hálfleiks.
Marcus Rashford féll þá í teignum þegar 77 mínútur voru liðnar eftir að Gavin Bazunu, markvörður Southampton, rauk út í hann, en ekkert dæmt.
Anthony Taylor, dómari leiksins, rak þá Casemiro af velli á 32. mínútu eftir ljóta tæklingu á Carlos Alcaraz, en Ten Hag botnaði ekkert í dómgæslunni.
„Ég verð að hrósa liðinu. Strákarnir sýndu mikinn karakter til að spila manni færri í svona langan tíma. Þeir voru líkamlega og andlega sterkir að ná í stigið,“ sagði Ten Hag.
Átti United að fá víti?
„Klárlega. Það er enginn vafi á því. Ég veit ekki af hverju VAR skarst ekki í leikinn.“
Casemiro hefur fengið tvö rauð spjöld í deildinni á þessu tímabili.
„Casemiro hefur spilað yfir 500 leiki í Evrópu og hefur aldrei fengið rautt spjald. Núna hefur hann fengið tvö í ensku úrvalsdeildinni
„Fjarvera hans er ekki vandamálið. Við munum eiga við það. Dómarinn hafði áhrif á þennan leik,“ sagði Ten Hag.
Athugasemdir