Franski landsliðsþjálfarinn Didier Deschamps uppljóstraði því að bakvörðurinn Ferland Mendy sé á leið til Real Madrid í sumar.
Háværar sögusagnir hafa verið um að Mendy, sem er á mála hjá Lyon, sé á leið til spænsku höfuðborgarinnar þar sem hann mun ganga í raðir Real Madrid.
Fyrir leik Frakklands og Andorra, sem var í gær, sagði Deschamps að Mendy yrði leikmaður Real Madrid.
„Fyrir tveimur árum var hann í frönsku Dominos-deildinni (B-deildinni) og núna er hann að fara að spila fyrir Real Madrid," sagði Deschamps.
Mendy er 24 ára. Hann var að klára sína aðra leiktíð. Talað er um að kaupverðið sé í kringum 50 milljónir evra.
Deschamps drops a big hint on Ferland Mendy to Real Madrid 👀 pic.twitter.com/muxlyMW0i7
— B/R Football (@brfootball) June 10, 2019
Athugasemdir