8-liða úrslit Meistaradeildar Evrópu hefjast í kvöld en Atalanta og Paris Saint-Germain mætast á Estadio da Luz-leikvanginum í Benfica.
Úrslitakeppnin í Meistaradeildinni fer fram í Portúgal en liðin leika aðeins einn leik.
Kylian Mbappe, framherji PSG, meiddist í leik gegn Lyon á dögunum en hann hefur náð sér af meiðslunum. Hann byrjar að öllum líkindum á bekknum. Marco Verratti er frá vegna meiðsla.
Josip Ilicic er þá líklega ekki með Atalanta en hann hefur verið mikilvægur í sóknarleik liðsins á tímabilinu.
Leikur dagsins:
19:00 Atalanta - PSG
Athugasemdir