Lestu um leikinn: Víkingur R. 3 -  1 Fylkir

Það mátti heyra á Rúnari Páli Sigmundssyni þjálfara Fylkis að hann vildi ekki taka neina áhættu með Benedikt þar sem mikilvægur deildarleikur er framundan hinumegin við helgina.

„Hann er bara tæpur í náranum. Við tökum enga sénsa með hann. Það er leikur á móti Vestra á þriðjudaginn og vonandi verður hann klár á móti þeim. Við verðum að vera skynsamir líka," sagði Rúnar í viðtali við Gunnar Birgisson í beinni útsendingu RÚV.

Fylkismenn eru í neðsta sæti Bestu deildarinnar með fjögur stig en Vestri er með sex stigum meira í níunda sæti. Það er gríðarlega mikilvægur leikur framundan í Árbænum á þriðjudag.