Sóknarmaðurinn Árni Vilhjálmsson er leikmaður 20. umferðar í Pepsi Max-deildinni en Árni var valinn maður leiksins þegar Breiðablik skellti Íslandsmeisturum Vals undir flóðljósum Kópavogsvallar á laugardagskvöld.

Blikar eru í bílstjórasætinu í baráttunni við Víking um Íslandsmeistaratitilinn, þeir hafa tveggja stiga forystu þegar tvær umferðir eru eftir.

„Stáltaugar á punktinum á 60. mínútu og svo frábær afgreiðsla í þriðja markinu. Hann verður lykill í þeim árangri sem Blikar ná. Geislar af sjálfstrausti," skrifaði Magnús Þór Jónsson um Árna í skýrslunni um leikinn.