Þýskaland valtaði yfir Skotland í opnunarleik EM í kvöld.
Leiknum lauk með 5-1 sigri Þjóðverja en mótið fer fram í Þýskalandi og opnunarleikurinn fór fram í Munchen.
Emre Can miðjumaður Dortmund og fyrrum leikmaður Liverpool og Juventus kom inn á sem varamaður og innsiglaði sigurinn.
Það vekur athygli að hann var ekki valinn í upprunarlega landsliðshópinn fyrir mótið en aðeins tveir dagar eru síðan hann var kallaður inn í hópinn fyrir Aleksandar Pavlovic miðjumann Bayern sem þurfti að draga sig úr hópnum þar sem hann glímir við svæsna hálsbólgu.
Athugasemdir