Meistaradeildin: Alfons úr leik - Mætir Val næst

Alfons Sampsted lék allan leikinn í stöðu hægri vængbakvarðar er Noregsmeistarar Bodö/Glimt féllu úr leik í undankeppni Meistaradeildarinnar.

Legia vann fyrri leik liðanna í Noregi og var við stjórnvölinn á heimavelli. Luquinhas skoraði undir lok fyrri hálfleiks og kom Tomas Pekhart knettinum í netið í uppbótartíma.

Þetta þýðir að Legia fer áfram í næstu umferð undankeppninnar en Alfons og félagar detta niður í Sambandsdeildina, þar sem þeir mæta Íslandsmeisturum Vals.

Valur féll niður í Sambandsdeildina eftir tap gegn Dinamo Zagreb í gærkvöldi.