Ísabella fer á EM í stað Elísu Lönu
Ísabella Sara
Mynd: Fótbolti.net - Hafliði Breiðfjörð
Ísabella Sara
Mynd: Fótbolti.net - Hafliði Breiðfjörð
Tvær breytingar hafa verið gerðar á landsliðshópi U19 sem fer á EM. Kimberley Dóra leikmaður Þór/KA kemur inn fyrir Aldísi Guðlaugsdóttur markvörð FH sem fékk höfuðhögg.
Önnur breytingin er sú að Ísabella Sara Tryggvadóttir leysir Elísu Lönu Sigurjónsdóttur sem er einnig leikmaður FH og er einnig að berjast við meiðsli.
Ísabella er enn gjaldgeng í U17 en hún er fjórði leikmaðurinn í hópnum sem er fædd árið 2006 en fyrir eru þær Emelía Óskarsdóttir leikmaður Selfoss, Bergdís Sveinsdóttir og Sigdís Eva Bárðardóttir leikmenn Víkings.
Hópurinn flýgur út til Belgíu á morgun en liðið er með Spáni, Tékklandi og Frakklandi í riðli.
Leikir Íslands á EM
18. júlí kl. 18:30 á Leburton Stadiom
Ísland - Spánn
21. júlí kl. 15:30 á Tivoli Stadium
Ísland Tékkland
24. júlí kl. 18:30 á RBFA Academy Stadium
Ísland - Frakkland
