Ein breyting hefur verið gerð á landsliðshópi U19 sem er á leið á EM í Belgíu. Kimberley Dóra Hjálmarsdóttir miðjumaður Þór/KA hefur verið kölluð inn í hópinn.
Hún kemur inn fyrir Aldísi Guðlaugsdóttur markvörð sem fékk höfuðhögg.
Hún mun fljúga suður í kvöld og út með liðinu eldsnemma í fyrramálið. Kimberley hefur verið í stóru hlutverki hjá Þór/KA undanfarin tvö tímabil en hún á að baki 9 landsleiki fyrir yngri landslið Íslands.
Kimberley sameinast liðsfélögum sínum hjá Þór/KA þeim Ísfold Marý Sigtryggsdóttir og Jakobínu Hjörvarsdóttur.
Ísland hefur leik á EM þann 18. júlí gegn Spáni en liðið er einnig með Tékklandi og Frakklandi í riðli.
Leikir Íslands á EM
18. júlí kl. 18:30 á Leburton Stadiom
Ísland - Spánn
21. júlí kl. 15:30 á Tivoli Stadium
Ísland Tékkland
24. júlí kl. 18:30 á RBFA Academy Stadium
Ísland - Frakkland
