Víkingur Ólafsvík heimsótti Þór á Akureyri í Lengjudeildinni í dag. Fyrsti sigur Víkings í deildinni staðreynd og var Guðjón Þórðarson þjálfari liðsins að vonum kátur eftir leikinn.
„Tilfinningin er bara góð, það breytist ekkert það er alltaf jafn gaman að vinna og að sigra fótboltaleiki er ekki tilviljun og við lögðum mikið á okkur í dag og uppskárum sigur, kredit til strákanna."
„Við komum til að sækja sigur og reyna spila almennilegan fótbolta og skora mörk."
Það gekk vel hjá Víkingum á leiktíðinni gegn Þór, jafntefli og sigur.
„Það er alltaf skemmtilegt að vinna, alveg sama hvar þú vinnur og við stemdum af því að sækja okkur sigur hér, það gerist ekki af sjálfum sér en við sýndum það að við getum sótt sigra. Þetta á bara að vera hvatning til leikmanna að gera ennþá betur."
Það vakti athygli að Brynjar Kristmundsson aðstoðarþjálfari liðsins var á skýrslu í dag.
„Aðstoðarþjálfarinn var á skýrslu meira segja þannig að það er þunnskipaður hópurinn, þetta er ekki stór hópur en við þurfum að vinna með það sem við erum með en þetta er jákvæður hópur."
Ólsarar hafa ekki gefist upp á því að halda sæti sínu í deildinni.
„Það er ennþá stærðfræðilega hægt, á meðan það er hægt þá ætlum við að reyna það.
