Endrick.
Brasilíumaðurinn Endrick hefur átt erfitt uppdráttar á fyrstu mánuðum sínum hjá Real Madrid.
Endrick gekk í raðir Real Madrid í sumar frá Palmeiras í heimalandinu. Félagaskiptin höfðu legið lengi í loftinu en Endrick er ein mesta vonarstjarna Brasilíu.
Endrick gekk í raðir Real Madrid í sumar frá Palmeiras í heimalandinu. Félagaskiptin höfðu legið lengi í loftinu en Endrick er ein mesta vonarstjarna Brasilíu.
Endrick hefur ekki verið í mjög stóru hlutverk í byrjun tímabilsins þar sem sóknarlína Madrídinga er gríðarlega vel mönnuð.
Það virðist einfaldlega ekki vera pláss fyrir hann, en Endrick gæti farið á láni í janúar.
Spænska dagblaðið Super Deporte segir núna frá því að Real Valladolid hafi áhuga á því að fá Endrick í sínar raðir á láni.
Valladolid er í eigu brasilísku goðsagnarinnar Ronaldo Nazario, sem spilaði áður með Real Madrid.
Valladolid þarf að fríska upp á sóknarleik sinn og Endrick gæti verið lausnin við því.
Ronaldo Nazario.
Athugasemdir
