Gríðarlegt högg fyrir Marokkó - Aguerd ekki með

Aguerd var tæpur fyrir leikinn en það var talið að hann væri tilbúinn í slaginn og Walid Regragui valdi hann í byrjunarliðið.

Hann heltist hins vegar úr lestinni skömmu fyrir leik og Dari kemur inn í hans stað. Dari kom inn á sem varamaður gegn Portúgal í 8 liða úrslitum en það var fyrsti leikurinn hans á mótinu.

Aguerd meiddist gegn Spáni í 16 liða úrslitum.