Tottenham og Arsenal mætast í baráttunni um Norður-Lundúnir í ensku úrvalsdeildinni í dag en Arsenal getur aukið forystu sína á toppnum.
Dagurinn byrjar á tveimur leikjum klukkan 14:00, en lið Chelsea, sem hefur gengið í gegnum erfiðleika síðustu vikur, mun fá Crystal Palace í heimsókn á Stamford Bridge á meðan spútnikliðin Newcastle og Fulham mætast.
Klukkan 16:330 mætast síðan Tottenham og Arsenal. Gestirnir geta aukið forystu sína á toppnum í átta stig eftir að Manchester City tapaði fyrir nágrönnum sínum í Manchester United í gær. Tottenham er á meðan í 5. sæti deildarinnar og þarf sigur til að halda í við Newcastle í Meistaradeildarbaráttunni.
Leikir dagsins:
14:00 Chelsea - Crystal Palace
14:00 Newcastle - Fulham
16:30 Tottenham - Arsenal
Athugasemdir