Breiðablik, FH og Stjarnan verða öll í efri styrkleikaflokki er dregið verður í fyrstu umferð í forkeppni Sambandsdeildar Evrópu í dag en þetta er í fyrsta sinn sem spilað er í keppninni.
Sambandsdeild Evrópu var tilkynnt í desember árið 2018 sem þriðja Evrópukeppnin.
Dregið verður í fyrstu umferð í forkeppni deildarinnar klukkan 11:30 en Breiðablik, FH og Stjarnan eru öll í efri styrkleikaflokki.
Breiðablik getur mætt Honka (Finnland), Newtown (Wales), Mosta (Malta), Racing Union (Lúxemborg) eða Struga (Norður-Makedónía).
FH mætir Larne (N-Írland), Paide (Eistland), RFS (Lettland) eða Sligo Rovers (Írland). Þá getur Stjarnan mætt Bohemians (Írland), Glentoran (N-Írland), Kauno Zalgiris (Litháen) eða Sant Julia (Andorra).
Athugasemdir