Ægir vann flottan sigur á Augnablik er liðin mættust í toppbaráttuslag í 3. deildinni í kvöld.

Það munaði fjórum stigum á liðunum fyrir leik; Ægir var fjórum stigum á eftir.

Ægismenn gerðu vel í Þorlákshöfn í kvöld og tókst að landa 3-0 sigri. Cristofer Rolin skoraði fyrsta mark leiksins og bættu þeir Dimitrije Cokic og Brynjólfur Þór Eyþórsson við mörkum.

Þegar flautað var til leiksloka var staðan 3-0 fyrir Ægi og flottur sigur þeirra staðreynd.

Ægir fer upp í þriðja sæti með þessum sigri. Augnablik er áfram í öðru sæti en núna munar aðeins einu stigi á liðunum. Þetta var því gríðarlega mikilvægur sigur fyrir Ægi.