Sancho hefur ekki leikið fyrir enska landsliðið síðan í október á síðasta ári.

Staðarmiðillinn Manchester Evening News vekur athygli á viðbrögðum stuðningsmanna Man Utd við þeim tíðindum að Sancho sé ekki í hópnum. Stuðningsfólk United er hissa á því að Luke Shaw og Harry Maguire, sem eru ekki byrjunarliðsmenn hjá Erik ten Hag, komist í hópinn en ekki Sancho.

Sancho er vissulega kantmaður og hinir tveir varnarmenn en Gareth Southgate, landsliðsþjálfari Englands, valdi alls tólf varnarmenn í hóp sinn í dag.

Þá hafa margir undrast á því að Sancho sé ekki í hópnum á meðan Jack Grealish, leikmaður Manchester City, kemst þar inn. Grealish hefur ekki leikið vel með City og er ekki fastmaður í liðinu þar.

Sé ekki að velja eftir árangri með félagsliðum
Darrent Bent, sem lék lengi vel sem sóknarmaður í ensku úrvalsdeildinni, tjáir þá skoðun sína á Twitter að Southgate sé ekki að hugsa út í gengi með félagsliðum þegar hann velur í landsliðshóp - það sé eitthvað annað að baki.

„Ég er byrjaður að hugsa til þess að það skipti engu máli hvernig þér gengur með félagsliði þínu," skrifar Bent.

Þess má geta að hópurinn í dag er síðasti landsliðshópur Englendinga fyrir HM í Katar.

Sjá einnig:
Enski landsliðshópurinn: Maguire valinn en ekki Sancho