Andre Onana markvörður Manchester United hefur fengið mikla gagnrýni eftir slæm mistök og slaka frammistöðu. Vangaveltur eru um að enska félagið sé með í skoðun að skipta um aðalmarkvörð.
Rúben Amorim, stjóri Manchester United, hefur staðfest það að Andre Onana verði í marki liðsins gegn Lyon í Evrópudeildinni á morgun. Fyrri leikurinn endaði 2-2.
Varnarmaðurinn Harry Maguire hefur tjáð sig um gagnrýnina sem Onana hefur fengið.
Rúben Amorim, stjóri Manchester United, hefur staðfest það að Andre Onana verði í marki liðsins gegn Lyon í Evrópudeildinni á morgun. Fyrri leikurinn endaði 2-2.
Varnarmaðurinn Harry Maguire hefur tjáð sig um gagnrýnina sem Onana hefur fengið.
„Andre hefur sýnt það í fortíðinni að hann er frábær markvörður. Hann hefur unnið fjölda titla og spilað úrslitaleiki í Evrópu. Það eru alltaf hæðir og lægðir á ferlinum og stundum eru hlutirnir ekki að ganga upp," segir Maguire.
„Sem stendur finnst honum líklega eins og allt sé að ganga á afturfótunum en hann er sterkur karakter og vill sýna öllum úr hverju hann er gerður."
„Það er mjög gott að spila fyrir framan Andre. Ég hef trú á honum og hann hefur átt frábæran feril. Hann hefur mikla reynslu og við vitum allir að hann er virkilega góður markvörður."
Athugasemdir
