„Einnig hafa þeir félagar verið öflugir yngri flokks þjálfarar hjá félaginu og hefur gengið vel hjá U20/2. flokki kvenna undir þeirra stjórn. Fjölnir þakkar þeim fyrir störf sín fyrir meistaraflokkinn," segir í tilkynningu Fjölnis.

Magnús Haukur er í dag þjálfari hjá Val ásamt því að vera annar af tveimur þjálfurum KH. Þá er Magnús vel kunnugur starfi innan Fjölnis, hann byrjaði sinn þjálfaraferil þar sem barna- og unglingaþjálfari og hefur áður komið að meistaraflokk kvenna hjá félaginu sem einn af aðstoðarþjálfurum. Frá Fjölni fór Magnús yfir til FH og frá FH lá leið Magnúsar yfir til Vals ásamt því að vera í þjálfarateymi KH.

„Fjölnir býður Magnús velkominn til félagsins og hlakkar til samstarfsins."

Fjölnir er sem stendur í 9. sæti Lengjudeildarinnar og ekkert nema kraftaverk getur bjargað liðinu frá því að falla í 2. deild.